fbpx
新手入門

電動車入門101- 續航距離

續航距離

比起傳統內燃引擎車,電動車廠商更加將續航距離作為賣點,原因好明顯係仲未及得上傳統引擎車(不過電動車追得極快,並且開始爬頭)。

四年前,第一代Leaf、eGolf、i3、Zoe等叉滿都係行緊唔夠200km,唯有貴三倍嘅Tesla Model S 90D先有400km嘅續航力。

或者你有印象,2012年嘅Renault Zoe咪已經有240km囉?2016年嘅版本更話有400km添!但你睇下當時嘅車評,或者問下揸過嘅朋友,就知道實際路況下,好多時候分別只係揸到150/260km甚至更少。

原因係廠商嘅數字,都係以1992年訂立嘅歐洲NEDC做標準,除咗加速減速同距離都同現實有所差距,測試中更有25%為靜止時間,用嚟量度內燃引擎車嘅效率,但對於電動車嚟講可以話幾乎完全冇用,最終就得出一啲極為理想而永遠唔會達到嘅數字。

於是2017年嘅WLTP就應運而生,測試得出嘅數字更貼近現實,同美國嘅使用多年嘅EPA互有長短,配合兩者一齊參考就更加實際。以第一代eGolf為例,NEDC測試有190km,EPA平均值133km,而喺香港,呢兩年嘅經驗就介乎125-150km(WLTP冇測試返舊款型號)。

所以我嘅懶人建議係:用WLTP同EPA做參考,因為測試方式唔同,以較低者為準,NEDC就算吧啦。

新手入門

相關文章