公地悲劇（Tragedy of the commons）係指當資源有限時，如果所有人都只領取自己嘅資源時，每個人都可以獲得最多嘅利益；相反如果其中少部分只係顧及自己着數，最終反而令到全部人都攬炒。
現實例子：中電訂立咗快叉40分鐘嘅規矩，如果每人都守規矩，理論上每個位每日最多可以serve到36架車輛；但係只要每人遲到15分鐘先攞車，每日就只係serve到26架，差距為28%。
- 充電位唔係泊車位，充電完成之後就要馬上離開等下一位使用
- 充電位唔係泊車位， 唔係叉電就泊返其他泊車位
- 充電位唔係排隊買演唱會飛，如果有人輪候叉好就要畀下一位，唔係等到你朋友嚟就直接畀佢。
- 留電話，有時候真係趕唔切返嚟都畀等緊位嘅人搵到你
- 盡量泊正係充電位內，電動車插頭位置各有不同，你偷位的話隔籬就有機會泊得入架車單條線唔夠長拉去插頭。
- 長期使用快叉到接近100%係會永久損耗電池，而且最後15-20%只會接受大概3-10kWh嘅電量，即係同你用中速差唔多。如果你唔想舊電過早損耗， 兼有人排緊隊的話，就應該只叉到8成。
簡單講，將心比己，最終全部使用者都會快啲有位，大家得益。
