fbpx
新手入門

電動車入門101-電池保養

鋰離子特質

同電油、柴油唔同,電池本身作為能源載體,有壽命期限(但係電油柴油車就係引擎有壽命期限)。而家嘅鋰離子電池配合電池管理系統已經非常先進,2019年7月德國一部Model S紀錄係行咗90萬公里,期間只係更換過一次電池,只要保養得宜,就算你嘅電動車行唔到咁多里數,都可以避免電池提早報銷。

氣候溫度

充電同放電本身係化學反應,所以環境嘅溫度,都會對化學反應起到變化,極冷同極熱都會令到電池發揮唔到應有嘅表現。2011-12嘅Leaf因為冇主動散熱系統,電池技術亦未成熟,所以曾有揸咗兩年5萬公里只剩返6成電力嘅問題。

氣候溫度其實控制唔到,但係泊車就應該盡量泊喺陰涼嘅位置,除咗增加電池壽命,車身油漆同皮座椅都會多謝你。

充電方式

高電壓嘅直流充電(快叉)會加速電池嘅老化,尤其是頻繁使用更為明顯,故此應該避免經常性使用。

中速或以下嘅充電方式雖然慢好多,但如果配合埋晚間溫度比較低,對於電池嘅老化壓力就會減到最低。

充電深度

喺電池充電嘅世界,0%同100%都係極端, 「 叉得深」嘅意思係幅度大並且接近100%(如1-99%),相反「叉得淺」就如,叉得如果你泊喺露天停車場,又冇自己嘅充電位置,噉以上兩者都唔係可控制因素,充電嘅深度就變得極之重要。

要點:叉得淺、次數多,遠比起叉得深、次數少對於電池更好。根據外國網站嘅資料,每次都由25%叉滿到100%的話,重覆2010次電池就會老化到85%可用容量(即係等於用過150,750%嘅電量);限制充電深度到25-75%的話,次數即激增到7,100次(即用過355,000%嘅電量),足足可以用多2.35倍。

或者你開始懷疑,部Model S已經揸咗三年,永遠用Supercharger,都冇明顯減少!咁喺因為Tesla擁有電動車入面最先進嘅電池管理 (BMS),除咗一般嘅電壓控制同容量控制,更有主動散熱同保暖裝置。喺螢幕見到嘅100% (State of Health, SoH) 其實只係叉咗電池嘅 90-95% (State of Charge, SoC) ,原因就係以上所講避免老化嘅問題。

再者,隨住行車里數增加,預留嘅容量就會減少;期間你都只會留意到SoH輕微減少,但當有一日SoH接近SoC嘅時候,電池老化速度就會明顯加快,呢個亦係需要更換電池之時。

伸延閱讀: https://cleantechnica.com/2018/08/26/the-secret-life-of-an-ev-battery/

新手入門

相關文章