新手入門

電動車入門101 - 黃金右腳

認真!想真正慳電,切忌心浮氣躁,放鬆心情先可以達致應有效果。

  • 線性加速起步,唔好一下就大腳踩落去,因為由靜止到加速嘅能量消耗最大;
  • 平地的話保持速度平均,九龍新界道路,似乎只keep住65-75km/h最好;
  • 但上斜就要(唔影響車流情況下)比起平時細腳;落斜就唔完全唔加速,最好輕微踩住逼力作電力回收,千祈唔好着cruise control;
  • 保持兩秒車速距離,唔止係更加安全,而且更容易做到上面提及嘅線性加速同預早減速;
  • 開啟冷氣內循環,並調校到最大風速,之後調高冷氣至可接收溫度,減少耗電。

實戰經驗:屯門到觀塘約34公里路程,大部分時間路面暢通,駕駛eGolf使用「傳統」腳法緊貼或輕微超越車流,即中線行駛並間中快線爬頭,平均耗電7.5km/kWh;使用黃金右腳之後,大部分時間中線或慢線行駛,平均耗電8.4kWh,假若唔趕時間刻意細腳試過做到9.7kWh,足足慳到30%電量!

當然有得必有失,超級細腳,遲幾分鐘到埗,但夜晚回程時候沿著青山公路吹住海風,其實都係一種享受(唔開冷氣大概10.5kWh)。

新手入門

相關文章